Pottwalblog

noch kyoto bin ich gfluechtet ab ins unturistische. han jetzt waehred 4 taeg kei engisch meh ghoert und kei anderi “westler” me gseh. bin mit somene chline zuegli wo oepe en halbe thurbowage lang isch rund 2stund langde kueste entlang gfahre. isch mega schoen gsi.. und halt ebe voll abseits.
so kitschig das au klinge mag, aber es haet wuerkli zum teil familiene gha wo mir eifach zuegwunke haend… bin mir vorcho wie i somene dokufilm ueber irgendwelchi suedafrikanische doerfli.

englisch choend di meiste noed bsunders guet bis ueberhaupt noed. aber wenn sie eim noed verstoend, so fuehreds eim eifach doet ane wo me woet. huet hani muese 4 mol umtige zum mit em zug as zielort cho. jedesmol hani muese froge uf welem gleis de zug fahrt…. und obwohl i amol verstande han, dass mir de bahnhofsmensch seit dass es uf gleis 2 isch woni mues ane, haet er sgfuehl gha i hegs noed verstande, und haet mi vo gleis 1 ueber dpasserelle zu gleis 2 begleitet.
djapaner haend irgendwie sgfuehl, dass alli uslaender noed so gschid sind. so sind zum bispil rauchverbotstafle immer no agschribe mit “no smoking”… aber japanisch stoht nuet…. also ob dtouriste es nichtrauchenschild noed wuerded verstoh.

han i de letzte taeg au ab und zue mol choene chi is meer go bade zur abwechslig.
im esse haets immer no irgend oepis us em meer druf… und wenn me spaghetti bstellt, chunt me irgendwie nudle mit enere rosarote sauce und irgendwelchi alge druf ueber.

bis jetzt haets do erst ei mol gregnet.. usgrechnet denn woni uf e chlini wanderig bin. denn bini halt unter irgend so en unterstand, wo no zwei fraue gsi sind… obwohl ich ihne gseit han dass ich nuet verstoh, haends es glich immer wieder probiert und haend mir schlussendli sogar no so es guetzli gschenkt woni ueberhaupt noed gern han… nichtsdestotrotz hanimi natuerli fest bedankt, da zeugs gesse und so tue als hett ichs gern.

witers bini mi chli mit kanji am beschaeftige. i chan jetzt scho einigi grundsymbol und chum mir uf de stross vor wie en archaeolog, wo alti schrifte entschluesslet. zaemegsetzti symbol ergaend naemli wieder eigeni beduetige. so z.b. e person und en baum. da stoht defuer, dass dperson am baum alehnt ud heisst somit “pause”. und so gits do tausende vo so beduetige wo alli mega spanend sind und ich nie alli werd choene.