Pottwalblog

han denkt i gang mol no wieder is internet, zum uf duetsche und englische internetsite luege was z’japan so los isch. vom erdbebezeugs und atomkraftwerk wo abgschaltet worde isch, merkt me do in tokyo nuet. nur dass schinbar uf mehrere zuglinie mit verspaetige oder usfall zrechne isch. do ich aber morn eher richtig suede reise wird, werdi wohrschinli witerhin noed gross was merke.

mir isch des witeren no klar worde, wieso ich i de nacht amol so komisch gschlofe han. es wird do oepe am 7i dunkel und dafuer am morge am halb 5i schiint d’sunne.
Da mit em dunkel werde haet aber so sini vorteil… denn tokyo by night isch eifach de hammer.. vor allem wenn me irgendwo vo obe abe chan luege.. denn gseht me meh liechtli als sterne am himmel (wo me do sowieso kei gseht)

s’wetter isch im uebrige relativ praktisch… ussert huet isch immer chli bewoelkt und es regnet noed…. somit ideal zum umenandlaufe.

es isch e grossi useforderig do postkartene zfinde. a kiosk gits da noed. einzig woni bis jetzt gfunde han isch i so museumshops. hoffe da isch a anderne ort denn chli andersch.

girls haend zu 80% roeck oder miniroeck ah, und zu 98% stoecklischueh zum ihri groessi kompensiere. es tuet amol fast weh, zgseh wie die sich i so schueh durch de tag quaeled.

han jetzt au agfange, ei mol am tag japanisch z’esse. natuerli weissi amol noed was i esse… ei mol haets aber irgendwas fischigs drin gha.

jo aehm…da langet jetzt mol… i werd jetzt denn mol no was go esse, no chli umelaufe und denn packe fuer mini abreis morn.